الإعلانات

السبت، 22 يناير، 2011

خدعة جديدة وقع ضحيتها الكثير من مستخدمين موقع facebook برنامج يدعي انه يخبرك بعدد زيارات ملفك الشخصي






لا تنس مشاركة الصفحة مع أصدقائك والإنضمام الى متابعين المدونة بالضغط على ايقونة Follow


 السلام عليكم ..


البرامج النصابه واللي مالها سنع بالفيس بوك كثيرة .. بس فيه واحد جديد انتشر بقوة هالفترة والاغلبيه كلهم مصدقينه وهو كذبة لا اكثر ولا اقل .. البرنامج هذا يدعي انه يعلمك كم زاير زار صفحتك بالفيس بوك طبعا بعد ما تعبي استبيان وتسمح للبرنامج يجمع معلومات من حسابك!! .. وبالاخير يكتب بالستاتس حقتك

"My total facebook views are: 1245 Find out your total profile views."

ويضيف رابط للبرنامج جنب الستاتس .. ويجون الاصدقاء المضافين عندك يصدقون الكلام ويدخلون يحاولون يسوونها علشان يشوفون كم عدد الزيارات! .. فاللي ابي اقوله لكم لا يهمكم تراه مهوب صدق .. وما فيه طريقة الى اللحين تعرفون كم واحد زار ملفكم الشخصي .. والبرنامج هذا كذبه وانخدع فيها كثير من المستخدمين .. كانك كنت واحد من ضحايا البرنامج فاحذف الستاتس حقتك علشان ما يتوهقون فيها المضافين عندك بعد .. وتاكدوا انكم تحذفون البرنامج من قائمة البرامج المسموح لها الدخول وجمع معلومات وبيانات ملفكم الشخصي .. وان شاء الله محد يطيح بهالخدعه بعد هالموضوع.

انتهى
اخوكم/ خالد

المصدر



لا تنس مشاركة الصفحة مع أصدقائك والإنضمام الى متابعين المدونة بالضغط على ايقونة Follow



هناك 3 تعليقات:

  1. لكن ماوضحت ايش الاشياء اللي يترتب عليها تفعيلي لهذا الابلكيشن غير انه خادع ايش يستفيد هو

    ردحذف
  2. الفايدة اللي بيستفيدها انه ممكن ياخذ عمولة على الاستبيانات اللي يعبونها المستخدمين .. لانه زي ما تعرف فيه شركات ومواقع تعطي عمولة للاشخاص اللي يعبون استبيانات لها .. فبتعبيتك للاستبيان المبرمج لهذا البرنامج ممكن يستفيد ماديا منك .. ويعطيك ولا شيء بالمقابل! .. او بالاصح عطاك كذبه مقابل تعبك تعبيتك للاستبيان!!

    الشيء الثاني انك اذا سمحت للبرنامج انه يوصل لمعلوماتك انه بيقدر يوصل لايميلك والارقام المسجله لك ولكل اللي عندك بقائمة الاصدقاء .. وبيصير يقدر يرسلهم رسايل مزعجة او ما يسمى بالـ Spam في المستقبل.

    على كل حال البرنامج كذبة لا اكثر ولا اقل .. فما انصحك تستخدمه ص٤

    ردحذف
  3. انا ما جاني
    بس عندي سؤال وش الضرر اللي يسببه؟

    ردحذف

جميع التعليقات خاضعة للرقابة .. سوف يتم نشر تعليقك بعد الموافقة عليه .. تاكد من كتابة اسمك او اليوزر ليتم الموافقة عليه