الإعلانات

الأربعاء، 22 سبتمبر، 2010

شرح طريقة عمل الجيل بريك للايفون والايبود تتش للاصدار 4.1 redsn0w






لا تنس مشاركة الصفحة مع أصدقائك والإنضمام الى متابعين المدونة بالضغط على ايقونة Follow





السلام عليكم ..


يالله ان تحيي كل من دخل وسير وقرا موضوعي


في هالموضوع بشرح لكم في كيف تقدرون تحدثون الايفون 3 جي و الايبود تتش 2 جي للاصدار الجديد من السوفت وير 4.1
وكيف تسون له الجيل بريك .. وتنزلون برنامج السيديا
الطريقة سهله وان شاء الله ما تاخذ معكم اكثر من ربع ساعه علشان تسوونها




:: تنبيه ::


اتمنى منكم تشوفون الشرح كامل قبل تبدون تطبقون او تكتبون اسالتكم لاني لاحظت بالشروحات اللي قبل اغلب اسالتكم يكون الجواب حقها بالشرح .. بس المشكله انكم استعجلتوا وكتبتوا السؤال قبل تشوفون الشرح ص4
وللاعضاء والزوار اللي توهم جديدين على الايفون شوفوا الشرح مره وثنتين وثلالثه .. علشان ما تصير معكم اي مشكلة بالجيل بريك
الشرح هذا للايفون المفتوح رسمي والايبود تتش البوت روم القديم فقط البوت روم الجديد بينفع معكم بس تراه بيطلب منك تشبكه بالكمبيوتر كل مره تطفي الجهاز 
يعني اذا جهازك مهوب مفتوح رسمي لا تحدث لانك منتب قادر تشغل الشبكة
ولعد تقدر ترجعه للسوفت وير القديم .. يعني لا تحدث الا اذا جهازك مفتوح رسمي


:: الشرح بالفيديو على اليوتوب YouTube ::


ادخلوا على الرابط من هنا


http://www.youtube.com/watch?v=yxwFUUJE8p8


اذا اعجبكم الشرح والشروحات اللي قبله في اليوتوب youtube
يا ليت تشتركون معي في قناتي باليوتوب عن طريق الضغط على كلمة Subscribe
اشتراككم ومتابعتكم لقناتي يعني لي الكثير .. فلا تبخلون علي فيه
وهذي هي طريقة عمل الجيل بريك للايفون 3 جي والايبود تتش 2 جي
اذا عندكم اي سؤال او استفسار عن الشرح اسالوا وان شاء الله ما اقصر معكم




:: برا الموضوع ::

احب اشكر العضو KIMIMARO
اللي صمم لي هالفاصل علشان استخدمه في مواضيعي .. وتعبته وانا اعطيه تعديلاتي ص٤
وما شاء الله عليه تقبل كل تعديلاتي وملاحظاتي بصدر رحب ص٤
شكرا KIMIMARO وما قصرت على هالفاصل ص٤



لا تنس مشاركة الصفحة مع أصدقائك والإنضمام الى متابعين المدونة بالضغط على ايقونة Follow



هناك 43 تعليقًا:

  1. انا iphone3g >> تقول:
    البرنامج الثالث redsn0w
    حاليا الاداة ما تشتغل الا على نظام الماك فقط .. اذا نزلت الاداة للويندوز بيتم اضافتها للموضوع
    ..
    انا من مستخدمين windows هل يعني ذلك اني لن اتمكن من عمل الجليبرك بشكل كامل حتى يتم نزول الاداه للويندوز ؟

    ردحذف
  2. هلا ميمي

    ايه اذا كنتي تستخدمين ويندوز ما تقدرين تكملين الجيل بريك الين تنزل الاداة الخاصة بالويندوز ص٤

    وان شاء الله اول ما تنزل بضيفها هنا بالموضوع ص٤

    ردحذف
  3. السلام عليكم مستر خالد ..
    اولاً اشكرك على المجهود الرائع .. في مدونتك الجميله ..
    وصراحه كنت اتابعك يكل شروحاتك حتى لقيت الفرصه الي اقولك فيها انت King الشروحات يابعدي ..
    انا نزلت الاصدار الجديد 4.1 والحمد لله طبعاً كل هذا بعد ماقريت الخبر الي انت نزلته بمدونتك والصراحه استانست بس للأسف انصدمة بالاخير في النقطه الثالثه برنامج redsn0w تمنيت انك منزل نسخه للويندوز ادري انها مانزلت ادري طولت عليك بالكلام( سوري ).
    عندي سؤالين بختصار ..
    الأول : عندك خلفيه عن تاريخ صدور النسخه للويندوز ؟
    الثاني : قريت في موقع الديف تايم العربي عن طرق للجيلبريك بس انها معقده شوي تنصحني فيها؟
    هذي كل اسألتي اتمنى انك تتقبلها بصدر رحب .. وبنتظار ردك على اسألتي ..
    كلمة شكر لا تفي بحقك .. فواصل فمازال للابداع بقيه ..
    تحياتي .. Mstr.AZOoOZE.2011

    ردحذف
  4. هلا الكينق

    بالنسبة لادات الويندوز للاسف والله ما عندي اي خلفية عنها .. بس انها بتنزل قريب ص4
    اول ما تنزل بكتب عنها في التويتر ص4

    بالنسبة للسؤال الثاني .. موقع الديف تيم العربي هذا انا ما ادري وش وضعه للحين .. وقد كتبت رد اسال عنه .. بس محد جاوبني على اسالتي .. فللاحتياط .. لا تعتمد على اي شيء مكتوب في موقعهم .. خذ المعلومة وحاول انك تتاكد منها من شخص موثوق فيه ص4

    لاني ما اتوقع انه موقع رسمي تابع للفريق الديف تيم

    العفوو وحياك الله

    ردحذف
  5. سؤال لو سمحت

    انا لو عندي جيل بريك لنسخة سابقة وحدثت عن طريق الاي تونز هل يصير شي للجوال

    شاكر ومقدر لك

    ردحذف
  6. هلا فهد .. لا ما يصير شيء للايفون

    بس الجيل بريك اللي فيه بيروح عليك .. واي برنامج انت محمله من السيديا بيروح عليك بعد

    غيره مهوب ضار جهازك

    ردحذف
  7. شرح وافي وممتاز
    بس انا جهازي مغلق
    لمن ينزل الجلبريك اقدر افتح الشبكه ؟

    ردحذف
  8. هلا احمد اذا جهازك مقفل لا تسوي الجيل بريك اللحين اصبر شوي

    اول ما ينزل فك الشبكة للاجهزه المقفله .. بكتب لكم واعلمكم على التويتر .. بعدها تقدر تسوي الجيل بريك

    بس الحين اصبر لا تسويه .. لانك اذا حدثت بيقفل جهازك عليك .. واذا شغلته بالجيل بريك بيشتغل كانه ايبود ما تقدر تتصل فيه

    ردحذف
  9. السلام عليكم ويعطيك العافية على مجهودك بالردود
    اخوي عندي سؤال واحد
    عندي ايبود تاتش 2G فروموير 4.1 ابي اسويله داون قريد للـ 4.0 او اقل ممكن ولا لا ؟!؟!؟
    على فكرة انا ماقد سويتله جيل بريك من قبل

    ردحذف
  10. هلا مشاري

    لا للاسف ما تقدر تسوي له داون قريد

    ردحذف
  11. مرحبا اخوي الله يعافيك انا عندي ايبود تتش الجيل الثالث وحدثته للـ 4.1 كيف ابي ارجعه لي 3.1.3
    الله يخليك ابي طريقه باسرع وقت ممكن

    ردحذف
  12. ما تقدر ترجعه الا اذا كنت حافظ ملف الـ SHSH عندك ص4

    كانك ما حفظته عندك قبل تحدث ما تقدر ترجعه ص4

    ردحذف
  13. السـلامـ عليكم , اخـوي انا تونـي شاري الـiphone 4g
    وحدثتـه الى 4.1 هل فيه امكانيه اني اسوي له جيلبريك او لا ..؟

    ردحذف
  14. وعليكم السلام عبدالله ..

    للاسف للحين ما بعد نزل الجيل بريك .. بس اللي تقدر تسويه اللين ينزل الجيل بريك بتلقى على يمين المدونه خانه اسمها تحميل مباشر للسوفت وير 4.1

    حمل السوفت وير وخله عندك بالجهاز .. واول ما ينزل الجيل بريك بعلمكم انا على التويتر .. فيصير كل اللي عليك تسويه انك تطبق الشرح بس .. ما يحتاج انك تحمل السوفت وير من اول وجديد ص4

    ردحذف
  15. معليـش اخـوي راح اتعبك معـاي
    انـا سمعت اني اقدر ارجعه للسوفتوير الي كان موجود قبل التحديث "اللي كان على الجهاز اول ما شريته 4.0.2" هل فيـه امكانيـه او لا ..؟

    ردحذف
  16. ما فيه امكانيه الا اذا كان عندك ملف الـ shsh ولازم تكون ماخذ منه نسخه من قبل الجيل بريك القديم اللي كان على الجهاز .. وكان هالملف مهوب عندك ما تقدر ترجع ص٤

    وانا علشان اختصر عليك ولا ادخلك بهالمتاهات قلت لك ما تقدر

    ردحذف
  17. طيب واللي يبي رابط غير الموجود لبرنامج redsn0w
    للويندوز

    لاني ماقدرت احمله للاسف !!

    من وين اجيبه :(

    ردحذف
  18. هنو التحميل منه سهل
    اضغطي على الرابط بيجيك خيارين تحميل سريع للمشتركين .. او تحميل مجاني

    اذا عندك اشتراك اضغطي تحميل سريع
    ما عندك اضغطي تحميل مجاني وانتظري 60 ثانيه وبعدها بيطلع لك لينك التحميل

    ردحذف
  19. لسلام عليكم

    اخوي مشكور على جهودك ويجزاك خير

    بس انا واحهتني مشكلة في اخر خطوة بعد عمل الجيلبرك وانتظر التنزيل والتثبيت

    يجيني بعدها صورة الايتونز والكيبل حقت الريستور ومايشتغل الا بعمل ريستور من جديد ويسمح كل شي

    جهازي ipod 2g تظام ويندوز

    ردحذف
  20. هلا ماجد غريبه واجهتك هالمشكله !
    تاكد انك تكون محمل الفريم وير .. والبرنامج من الروابط اللي بهالموضوع

    وبعدها سو التحديث لـ 4.1 من الايتونز وروابط الايتونز موجودة بهالموضوع

    بعدها سو الجيل بريك وبيضبط معك ان شاء الله .. وبالمناسبة ترا الريستور يحذف لك كل شيء عني لازم تاخذ باك اب للجهاز قبل ص4

    ردحذف
  21. نعم محمله من الموضوع

    الايتونز محمله من اول ومحدثه لاخر اصدار 10.0.22

    في رسالة تطلعي اثناء اختيار الفريم وير ماظهرت في الشرح عندك

    http://img831.imageshack.us/img831/1852/20101010062301.jpg

    ضغطت yes وكملت الخطوات

    وايضا الخيارات اعتقد انها اقل من الموجودة في الشرح

    http://img841.imageshack.us/img841/3200/20101010062828.jpg

    مالسبب ؟؟؟

    ردحذف
  22. هلا ماجد
    السبب ان جهازك بوت روم جديد
    فلازم كل مرة تعيد التشغيل او تطفيه تشبكه بالايتونز وتسوي الجيل بريك من جديد علشان يشتغل معك ص4

    ردحذف
  23. احد الاخوان قال اضغط no

    ومشت العملية تمام نفس ماهو موجود في الشرح

    ردحذف
  24. هلا ماجد هي تعتمد اذا كان جهازك MC او لا
    وللاسف ما عندي جهاز ويندوز اتاكد منها ص4
    الخيارات اللي تطلع عندي نفس اللي شرحتها .. ما تطلع لي الخيارات حقتك ص4

    ردحذف
  25. السلام عليكم
    اخ خالد انا عندي اي بود تتش الجيل الثاني
    والموديل حق الجهاز MC هل له جلبريك او لا

    مشكور

    ردحذف
  26. هديل عبدالرحمن17 أكتوبر، 2010 12:41 ص

    صباحك سعاده باذن ربي ..
    مره شكرا ع الموضوع
    بس الايفون معلق عند نقطه وحده وهي عملية التحديث يقول لي لازم تعملي باك اب وانا عاملته وبعدين اضغط كنتنيو ويجيني هالمسج ويعلق بالساعات مايتغير شي !!

    http://www14.0zz0.com/2010/10/16/21/620171949.jpg

    الله وكيلك من عطيتني الرابط بعد العصر لين الحين 12:25
    تخيل الارهاق اللي جاني !!

    ردحذف
  27. هلا هديل
    غريبة يطلب باك اب !!
    جربي وقفيه وسوي له ريستور على الفريم وير 4.1 .. وكاحتياط بس حملي الفريم وير من الموضوع هنا

    وبعدها جربي تسوينه ثانيه ص4
    لانه غريبه يطلب منك انك تسوين باك اب قبل ! .. الباك اب لك انتي اذا ما تبين تسوينه ما يحتاج ص4

    ردحذف
  28. وعليكم السلام حامد
    هذا الجيل بريك لجهازك .. جرب تسويه وبيضبط معك ص4

    بس المشكله اللي بتواجهك انه في كل مره يطفي بتحتاج تسوي الجيل بريك من جديد ص4

    ردحذف
  29. جربت الطريقة بس ماضبط معي
    بعد مااسوي اخر خطوه تطلع لي waiting for reboot
    بعدين يوقف مايمشي والجهاز مايشتغل
    ماادري ايش المشكلة؟؟

    ردحذف
  30. عبدالله الخميس17 أكتوبر، 2010 8:07 م

    هلا خالد
    مشكور على جهدك في المدونة
    نفس مشكلة الأخ حامد في الآيبود عندي
    يظل يطول بانتظار إعادة التشغيل

    ردحذف
  31. هلا حامد
    ايه هذي ممكن تصير لمستخدمين الويندوز
    افصل السلك وارجع اشبكه بس وبيضبط معك
    جربها وعلمني وش يصير معك ص٤

    ردحذف
  32. هلا عبدالله
    ابد سو نفس اللي قلته له وبتضبط معك ص٤

    ردحذف
  33. هديل عبدالرحمن18 أكتوبر، 2010 9:44 م

    ايه خلاص مشكور يا اخوي حملت النسخه من هنا وطلعت معطوبه << الظاهر انقطع النت وانا احمل
    وبعدين حملته من جديد وحدثت الايفون وعملت الجيلبريك بكل سهوله بعد ماشفت شرحك باليوتيوب
    ربي سعدك ويحقق لك مناااك مشكور وماقصرت 

    ردحذف
  34. مرحبآ خالد
    جربت اللي قلت لي وماصار شي نفس المشكله
    على فكرة اذا اخترت الفيرموير تطلع لي رساله
    انه جهازك من موديلات MC زي ماتقول تحذير
    **استفسار اخر :
    الايفون 4 نسخه 4.0.2 نزل له جلبريك
    ...... مشكور :)

    ردحذف
  35. هلا هديل
    الحمد الله انه ضبط معك ص4
    العفوو .. وحياك الله باي وقت ص4

    ردحذف
  36. هلا حامد
    طيب خلك من هالشرح .. وجرب الشرح الجدي في هالموضوع
    http://khaledscorner.blogspot.com/2010/10/greenpois0n_18.html

    وبيضبط معك ان شاء الله ص4

    ردحذف
  37. سويت زي مافي المقطع بس لم يجي عند اختر الـ Firmware
    مايطلع اللي نزلت وش الحل ...؟

    ردحذف
  38. هلا suntop
    المشكله من الموقع نفسه اللي انت كنت مسوي عليه الشرح ص٤
    علشان تنحل مشكلتك حمل الفريم وير المتوافق مع جهازك من هذا الموضوع ص٤

    http://khaledscorner.blogspot.com/2010/09/41_30.html

    حياك الله ص٤

    ردحذف
  39. عمر حسن التميمي3 نوفمبر، 2010 11:51 ص

    هلا اخوي خالد

    انا عندي ايبود تتش 2 جي

    لكن معرف هو بوت روم جديد ولا قديم ؟!

    الاصدار اللي عليه حاليا 3.1.1 (7c145)

    يريت تعلمني حتى احدث واسوي الجيل بريك

    ردحذف
  40. تسلم خيوو ع الشرح بس انااا سوويت كل الخطوات بس لما اختراا الفورم وير البرنامج يكتب لي unable
    وياريت لو تقولي الحل لان قاعده فقره كذا من غير جيل بريك

    ردحذف
  41. ياخوي الحين جوالي ما رضى يشتغل وحتى بعد يوم حولت اخوي حامد الى موضوع حاولت افتح البرنامج ما قدرت

    الحين وش اسوي بجوال ما يشتغل

    ردحذف
  42. هلا

    لو سمحت جوالي ما رضى يشتغل وش اسوي

    سويت كل الطرق وعلى مسؤوليتك

    وش اسوي وش اسوي وش اسوي وش اسوي

    والله العظيم ضروري

    ردحذف
  43. يا بعدي قلبي و الله .. والله أنك مبدع .. وأتمنى أصل إلى إبداعاتك .. والله فكيت لي ازمه ..


    الحمـــد لله .. الله يبض وجهك ويكثر من أمثالك .. ويرحم والديك ..

    ردحذف

جميع التعليقات خاضعة للرقابة .. سوف يتم نشر تعليقك بعد الموافقة عليه .. تاكد من كتابة اسمك او اليوزر ليتم الموافقة عليه