الإعلانات

الخميس، 23 سبتمبر 2010

بخصوص الجيل بريك للايفون 3 جي اس 4.1 .. لحد ينزله الا بعد ما يقرا هالتدوينه






لا تنس مشاركة الصفحة مع أصدقائك والإنضمام الى متابعين المدونة بالضغط على ايقونة Follow




السلام عليكم ..

يالله ان تحيي كل من دخل وسير وقرا موضوعي

في هالموضوع حبيت اوضح لكل اللي راسلوني على الايميل او في التويتر او في المنتديات اللي اشارك فيها
عن اذا خبر الجيل بريك للايفون 3 جي اس اللي منتشر اللحين بالمواقع والمنتديات حقيقي او انه من هالجيل بريكات اللي تطلع وتحوس لك الجهاز ولا منها فايده

الا اللحين ما فيه شيء اكيد .. وما فيه احد راسلني واثبت لي انه جرب الجيل بريك على جهاز 3 جي اس بنفسه واشتغل معه تمام .. بدون اية مشاكل بالجهاز .. وبحكم ان ما عندي جهاز 3 جي اس تتوافق معه طلباتهم فما اقدر اجرب هالجيل بريك واعلمكم بالنتيجة

وفريق الديف تيم المعروف بانه اول من يصدر الجيل بريك .. او يكتب عن الجيل بريك الحقيقي الفعال على اجهزة الايفون ما كتب اي شيء عن هالجيل بريك
ولا بعد حدثوا مدونتهم .. اخر خبر نزلوه كان الجيل بريك للايفون 3 جي والايبود تتش الـ 2 جي بس .. غيره ما نزلوا شيء

ومن قرائتي للموقع ولشرح الجيل بريك اللي هم حاطينه ما اشوف انه جيل بريك صدقي
لانه لو جيل بريك صدقي للاصدار 4.1 مثل ما يقولون .. المفروض انه يشتغل معك على طول اذا كان اصدارك 4.1
وما يطلب منك انك تكون على اصدارات قديمه خاصه انه طلب لبعض الاجهزه تكون على الاصدار 3.1.2
وبيني وبينكم كانهم صادقين وهذا الجيل بريك حقهم ليتهم خلوه عندهم ما طلعوه !!!
اغلب المستخدمين اللحين يستخدمون الـ 4.0.1 خاصه وان له جيل بريك شغال ولا احلى منه على كل الاجهزه !!
يجونا هذولي بجيل بريك يطلب انك تكون على 3.1.2 .. يعني معليش وش فايدة هالجيل بريك اجل !!!

غير انه اللي باين من الموضوع والكلام حقهم انه كوستم جيل بريك .. يعني مهوب جيل بريك صدقي
يعتبر جيل بريك مبني على جيل بريك قديم انت مركبه ومثبته عندك !!
فيعني وش لك ولتعب الراس خلك على اللي انت عليه اصرف لك .. الين ينزل جيل بريك يدخل الراس وما يطلب هالطلبات التعجيزيه !

بس اللي يبي يحدث ويجرب هالجيل بريك ما نقدر نوقفه .. يروح يجربه على مسؤليته
بس انا انصح الزوار الجديدين على الايفون واللي ما عندهم خلفيه كبيره عنه وعن حل مشاكله انهم ما يجربونه ولا ينزلونه
وينتظرون الين نتاكد من صحة هالجيل بريك .. واول ما اتاكد من صحته وانه شغال تمام بدون اية مشاكل
بكتب لكم بالتويتر انه صحيح وتقدرون تسوونه .. بس حاليا ما انصحكم تجربونه ابدا
وكان يدكم تحككم الا تجربونه فالله معكم جربوه .. وعلموني بالنتيجة اللي بتطلع معكم

ويا ليت اذا واجهتكم اي مشاكل فيه تعلموني عنها .. علشان اقدر افيد باقي الزوار فيها
ولا يطيحون بنفس المشكلة اللي صارت في اجهزتكم ص4



لا تنس مشاركة الصفحة مع أصدقائك والإنضمام الى متابعين المدونة بالضغط على ايقونة Follow



هناك تعليقان (2):

  1. akhi khaled ana sawit lijihazi iphone 3g ta7dit 3ala firmwire 4.1 bas lama ntaha tala3li risala 3ala itunes bitfid ini ljihaz lazimlo active base ana ma3riftich kif asawih wlmochkil etani li3andi wbatmana tfidni akhi ini chabaka matichtighel ma3i fel jihaz ya3ni ana 7at chariha bass zayi mani 7ata

    ردحذف
  2. هلا ربيع مدري والله وش انت تقول
    يا ليت تكتب لي بالعربي او على الاقل بالانقليزي علشلن اقدر افهم عليك
    اللغة اللي انت تكتب فيها عجزت افهمها ص٤

    ردحذف

جميع التعليقات خاضعة للرقابة .. سوف يتم نشر تعليقك بعد الموافقة عليه .. تاكد من كتابة اسمك او اليوزر ليتم الموافقة عليه